$ 447.4 € 477.55 ₽ 4.76
Әлеуметтік желілерде қазақстандық балалар үйіндегі бүлдіршіндерге COVID-19-ға қарсы екпенің мәжбүрлі түрде салынып жатқаны туралы ақпарат тараған, деп хабарлайды Stan.kz.
ҚР Денсаулық сақтау министрлігі бұл ақпаратты жоққа шығарды.
Ведомство балалар үйіндегі бүлдіршіндерді, сонымен қатар еліміздегі барлық балаларды COVID-19-ға қарсы вакциналау ерікті түрде жүргізілетіндігін айтты.
"Вакциналау балаларға жауапты тұлғалардың жазбаша келісімінен соң ғана жүргізіледі. Ешқандай балалар үйінде 100% міндетті вакциналау жоқ", – деп мәлімдеді министрліктің баспасөз қызметі.
Айта кетейік, бұған дейін қазақстандықтардың арасында "мектеп оқушыларын ата-аналарының рұқсатына қарамастан вакциналайды" деген ақпарат тараған. Мұндай нормативтік-құқықтық акт туралы ақпаратты ҚР Денсаулық сақтау министрлігі жоққа шығарған еді.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.
