Алдағы үш күнде ауа райы қандай болады?

Қазгидромет 28-30 желтоқсанға арналған ауа райы болжамын ұсынды. 

Болжамға сәйкес, еліміздің солтүстігіне, солтүстік-батысына және шығысына солтүстік-батыс циклон әсер етіп, қар жауып, бұрқасын жел күшейеді. Суық ауа массалары әсерінен республиканың басым бөлігінде жауын-шашын тоқтап, ауа температурасы төмендейді, тек шығыс пен оңтүстік-шығыста тұрақсыз ауа райы сақталады.

"Түнде республиканың солтүстік жартысында термометр бағаны 25-32 градус аязға дейін, орталықта 15-25 аязға дейін, оңтүстік және шығыс облыстарда 10-18 аязға дейін төмендейді", - делінген хабарламада.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.