Жаңалықтар 28.12.2021 сағат 11:20

2022 жылдың бірінші жартыжылдығында 9 млн адамды ревакцинациялау қажет — Мамин

Бүгінде ревакцинациядан 450 мың адам өтті.
2022 жылдың бірінші жартыжылдығында 9 млн адамды ревакцинациялау қажет — Мамин
Фото: azattyq-ruhy.kz
Бөлісу
Бөлісу
Бөлісу

Коронавирус инфекциясының таралу қарқыны бойынша өңірлердің көбі және жалпы Қазақстан Республикасы жасыл аймақта тұр. Нұр-Сұлтан қаласы мен Солтүстік Қазақстан облысы  әзірге сары аймақта. Бұл туралы бүгінгі Үкімет отырысында айтылды, деп хабарлайды Azattyq Rýhy.

Денсаулық сақтау министрінің міндетін атқарушы Жандос Бүркітбаев елдегі санитарлық-эпидемиологиялық жағдайдың тұрақты екенін баяндады. Бүгінде 9 млн-нан астам адам вакцинаның бірінші компонентін алды – бұл ересек адамдардың 80%-ға жуығы, 8,5 млн-ға жуық азамат, яғни ересек адамдардың 75%-ы екінші компонентін алды. Ал жасөспірімдер арасында вакцинаның І компонентін 242 мың, II компонентін – шамамен 90 мыңы салдырды. 

Ревакцинациядан 450 мың адам өтті. Сонымен қатар әлемде сырқаттанушылықтың өсуін ескере отырып, Үкімет басшысы тиісті ақпараттық-түсіндіру жұмыстарын жандандырып, халықты жаппай ревакцинациялау қарқынын арттыруды тапсырды.

«Жаппай ревакцинациялау жұмыстарын күшейту қажет. 2022 жылдың бірінші жартыжылдығында шамамен 9 млн адамды ревакцинациялау қажет», — деді Асқар Мамин.

Вакцинаның екінші компонентін алған сәттен бастап 6 ай уақыт өткен азаматтар бұған дейін салынған вакцинаның түріне байланысты қайта вакцина алады.
 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар