Омикрон штамының Алматыда таралып жатуы мүмкін деген күдік айтылды

Коронавирустың омикрон штамы Алматыда болуы мүмкін. Бұл туралы қала әкімінің орынбасары Ержан Бабақұмаров мәлім етті, деп хабарлайды inform.kz

"Омикрон штамы ендігі Алматыға келген болуы мүмкін, өйткені вирус жұқтыру дерегі өскені байқалады. Бірнеше күн бұрын 30 жағдай болса, бүгін ол 62 жетті. Бірнеше күнде көрсеткіш екі есеге өсті. Омикрон штамымен жастар көп аруы мүмкін. Ол тез тарап, тез жұғады", - деді Ержан Бабақұмаров журналистермен кездесуде.

Сонымен қатар ол жаңа штамға төтеп беру үшін дайындық жүріп жатқанын айтты.

"Жаппай жұқтыруды болдырмау үшін барлық санитарлық талапты сақтау керек. Қала үш бағыт бойынша дайындалып жатыр. Біз инфекция жұқтыратындардың саны артатынын түсінеміз. Медицина мекемелеріне артық жүктеме түсірмеуміз керек. Қалада құрамында дәрігерлер бар 600-ден астам мобильді топ бар",  - деді әкім орынбасары.

Қала әкімінің орынбасары алматылықтарды ревакцинация алуға шақырды.  

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.