Жаңалықтар 01.01.2022 сағат 21:33

Ақтөбелік 74 жастағы әжей кәсіби спортта жетістікке жетті

Әжей бұрын-соңды мұндай жарысқа қатысып көрмеген.
Ақтөбелік 74 жастағы әжей кәсіби спортта жетістікке жетті
Фото: ҚазАқпарат
Бөлісу
Бөлісу
Бөлісу

Ақтөбелік кейуана Валентина Усманова ардагерлер арасында көпсайыстан Қазақстан чемпионатының күміс жүлдегері атанды, деп хабарлайды ҚазАқпарат. 

74 жасқа жеткен әжей бұрын-соңды мұндай жарысқа қатысып көрмеген. Спорттың денсаулық кепілі екендігін Валентина Усмановадан көруге-ақ болады. 8 құрсақ көтерген ана зейнет жасына жеткенде белсенді өмір сүруге шешім қабылдаған. Себебі дәрігерлер паркинсон дертіне шалдығып, екінші топ мүгедегі атанғанда бассейнге баруға кеңес беріпті. 

– Қолымнан келгенше құдайдың құтты күні бассейнге түскенді жақсы көремін. Өйткені менің денем соны талап етеді. Суға түспесем өзімді өте ауыр сезінемін, - дейді зейнеткер Валентина Усманова.

Сырқаттың бейнетін азайтамын деп, күнделікті бассейнге келіп жүрген кейуананы жергілікті бапкерлер байқаған. О баста суда малтудың әдісін білмегенімен, артынша жүзудің қыр-сырын үйреніп, тіпті жеке рекордтарын да тізе бастапты. Кәсіби жаттығу жұмыстарына бел шеше кіріскен әжейге бапкерлер Қазақстан чемпионатына қатысуға да ұсыныс жасапты.

– Көпсайыс ішінде жүгіру бар екен. Одан кейін жаңағы ұзындыққа секіру бар екен. Мен секіре алмаймын деп айттым. Ал жүгіруден болса, әлім барынша жүгірейін дедім. Мақұл. Солай енді екінші орын тиіп қалды, - дейді спортшы әжей. 

Дәрігерлер паркинсон дертіне әзірге дауа жоқ дейді. Алайда мұнымен кейіпкеріміз еш келіспейді. Күнделікті спортпен шұғылданып, дер кезінде ем қабылдаса, дені сау жандардай өмір сүруге болады дейді. Өскелең ұрпаққа айтар кеңесі де сол. 

– Мен 73-ке келіп көзілдірік кимеймін. Ал жастайынан киетін жастар бар. Мысалы, немерелерім. Оларға айтарым күнделікті спортпен шұғылдану керек, - дейді зейнеткер Валентина Усманова. 

Валентина Усманова облыстық балалар мен жасөспірімдер спорт мектебінде жаттығады. Әжейге арнайы ақысыз абонемент берілген. Зейнеткер кәсіби бапкермен кезекті ашық біріншілікке дайындалуда.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар