Жаңалықтар 10.01.2022 сағат 11:40

Халыққа қызмет көрсету орталықтары мен «Қазпошта» жұмысын қайта бастады

10 қаңтардан бастап "Қазпошта" АҚ пошта бөлімшелері зейнетақы мен жәрдемақыны интернет-байланыс жұмыс істеп тұрған уақытта штаттық режимде береді.
Халыққа қызмет көрсету орталықтары мен «Қазпошта» жұмысын қайта бастады
Фото: tengrinews.kz
Бөлісу
Бөлісу
Бөлісу

Халыққа қызмет көрсету орталықтары Алматы мен Алматы облысын қоспағанда, Қазақстанның барлық өңірінде жұмысын қайта бастады. Бұл туралы Цифрлық даму, инновациялар және аэроғарыш өнеркәсібі министрлігінің баспасөз қызметі мәлімдеді, - деп хабарлайды Tengrinews.kz.

"10 қаңтардан бастап Алматы қаласы мен Алматы облысын қоспағанда, Қазақстанның барлық өңірінде ХҚКО-лар жұмысын қайта бастады.

Тұрғындарға кезең-кезеңімен барлық қызмет түрі қолжетімді болады, Жамбыл облысының тұрғындары жеке куәліктер мен паспорттарды рәсімдеу жөніндегі қызметтерді уақытша пайдалана алмайды", - делінген хабарламада.

Айта кетейік, байланыс сапасына байланысты жұмыс барысында кідіріс болуы мүмкін.

"Сондай-ақ, ҚР ІІМ Әкімшілік полиция комитетінің қызметкерлері басқа міндеттерді орындап жатқандықтан, ҚР барлық өңірінде автоХҚКО-лар жұмыс істемейді", - деді ведомстводағылар.

Бұдан басқа, 10 қаңтардан бастап "Қазпошта" АҚ пошта бөлімшелері зейнетақы мен жәрдемақыны интернет-байланыс жұмыс істеп тұрған уақытта штаттық режимде береді.

"Сонымен қатар, банкоматтарды қолма-қол ақшамен толтыру бойынша жұмыс басталды. Осыған байланысты "Қазпошта" клиенттері 10 қаңтардан бастап бөлімшелерден де, банкоматтардан да ақша ала алады. Сонымен қатар, "Қазпошта" АҚ "Оңтүстік" ақпараттық-логистикалық орталығының Қазақстан бойынша магистральдық маршруттарын іске қосуының арқасында компания 10 қаңтардан бастап пошта жөнелтілімдерін қабылдау мен өңдеуді қайта бастайды", - деп хабарлады бөлімшедегілер.

 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар