Тағы бір өңірде террористік қауіптің «сары» деңгейі жарияланды

Павлодар облысында 10 күнге террористік қауіптің "сары" деңгейі жарияланды, - деп хабарлайды Tengrinews.kz.

"ҚР Президентінің 2013 жылғы 9 тамыздағы № 611 "Терроризм актісі қатерінің туындауы туралы ақпарат мониторингінің және халықты хабардар етудің мемлекеттік жүйесін ұйымдастыру және жұмыс істеу қағидаларын бекіту туралы" Жарлығына сәйкес Павлодар облыстық терроризмге қарсы күрес жедел штабы басшысының шешімімен 13 қаңтардан бастап 10 тәулікке облыс аумағында террористік қауіптің "сары" деңгейі жарияланды", - делінген өңірдің терроризмге қарсы күрес жөніндегі өңірлік жедел штабының хабарламасында.

Облыс тұрғындарынан құқық қорғау органдарының жұмысына түсіністікпен қарап, заң талаптарын сақтауды сұрады.

Бұған дейін елордада 13 қаңтардан бастап 14 тәулікке террористік қауіптің "қызғылт сары" деңгейі жарияланғаны хабарланды.
 

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.