$ 449.3  489.69  4.89

«Тәртіпсіздіктер кезінде Қазақстаннан 64 мыңнан аса адам кетіп қалды» - ҰҚК

ҰҚК Шекара қызметінің баспасөз қызметінің мәліметінше, 2022 жылы 4-12 қаңтар аралығында Қазақстан Республикасының Мемлекеттік шекарасы арқылы барлық өткізу пункті штаттық режимде жұмыс істеген, 64 048 Қазақстан азаматы елден кеткен.
Фото: ашық дереккөз
Фото: ашық дереккөз

Қазақстаннан тәртіпсіздіктер кезінде 64 мыңнан аса адам кетіп қалды. Бұл туралы ҰҚК Шекара қызметі өкілі мәлімдеді, - деп хабарлайды Tengrinews.kz.

ҰҚК Шекара қызметінің баспасөз қызметінің мәліметінше, 2022 жылы 4-12 қаңтар аралығында Қазақстан Республикасының Мемлекеттік шекарасы арқылы барлық өткізу пункті штаттық режимде жұмыс істеген, 64 048 Қазақстан азаматы елден кеткен.

"Тәртіпсіздіктерге байланысты 2022 жылы 6-12 қаңтар аралығында Алматы қаласының әуежайынан халықаралық рейстер орындалмады. Құрлықтағы өткізу пункттері арқылы өткізу Қазақстан аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссия бекіткен карантин шектеулері кезеңінде шекарадан өту тәртібінің талаптарына сәйкес жүзеге асырылады", - деп толықтырды ведомство өкілі.

Бұған дейін Президент тапсырмасы бойынша Қазақстан-Қытай шекарасында тексеріс жүргізіліп жатырғаны хабарланды. Бұл туралы Қаржы министрлігінің Мемлекеттік кірістер комитеті мәлімдеді.

 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары