Жаңалықтар 24.01.2022 сағат 11:20

Алматыда бүлік кезінде зардап шеккендерге бүгіннен бастап төлемдер беріледі

Ауыр дәрежеде жарақат алғандарға 2 млн теңгеден төлем беріледі.
Алматыда бүлік кезінде зардап шеккендерге бүгіннен бастап төлемдер беріледі
Фото: ашық дереккөз
Бөлісу
Бөлісу
Бөлісу

Бұл туралы Бақытжан Сағынтаевтың төрағалығымен өткен Алматының тыныс-тіршілігін қалпына келтіру жөніндегі қалалық штаб отырысында әкім орынбасары Ілияс Өсеров мәлім етті, деп хабарлайды Azattyq Rýhy.

«Әңгіме мемлекеттік органдардың, ауруханалар мен БАҚ-тың зардап шеккен 603 қызметкеріне өтемақы төлемдері туралы болып отыр. Оның ішінде: 592 құқық қорғау органдарының қызметкері, Төтенше жағдайлар департаментінің 1 қызметкері, жергілікті атқарушы органдардың 3 қызметкері, «Алматы» телеарнасының 1 қызметкері және медициналық ұйымдардың 6 қызметкері», - дейді әкім орынбасары.

І.Өсеровтің айтуынша, ауыр дәрежеде – 2 млн теңге, орташа дәрежеде – 1 млн теңге, жеңіл түрде – 500 мың теңге төлемдер жүргізіледі.

Сонымен қатар, ТЖ кезінде жұмылдырылған полиция департаментінің 3878 қызметкеріне, Төтенше жағдайлар департаментінің 1207 қызметкеріне, Қоғамдық денсаулық басқармасының 3888 қызметкеріне, құтқару қызметінің 93 қызметкеріне 100 мың теңге қаржылай көмек төленеді.

«Бүгін тиісті құжаттар қазынашылыққа жіберіліп, түстен кейін алғашқы төлемдер жасалады», - деп атап өтті Алматы әкімінің орынбасары.

Полиция департаментіне тиісті тергеу әрекеттері аяқталғаннан кейін зардап шеккен автокөліктерге төлемдерді қамтамасыз ету үшін шамамен 200 млн теңге мөлшерінде бастапқы сома жіберілетін болады. Қажет болған жағдайда бұл сома көбейтіледі.
 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар