Қаржылық мониторингі агенттігінің Түркістан облысы бойынша аумақтық департаменті шекарада Өзбекстаннан қорқорға арналған табакты заңсыз әкелу фактісінің жолын кесті, деп жазды turkystan.kz.
Белгілі болғандай, «Қапланбек» кеден бекетінің 5 қызметкері кальянға арналған табакты заңсыз әкелуге көмектескені үшін істі болып отыр. Лауазымды тұлғалар SERBETLI қорқорына пайдаланылатын 23 985 келі табакты Өзбекстаннан Қазақстан аумағына заңсыз әкелуге көмектескен. Бұл контрабанданың құны – 59 596 729 теңге.
Өздерінің қызметтік мансабын пайдаланған мамандар әртүрлі мерзімге сотталды. Атап айтқанда, Түркістан қаласы сотының үкімімен «Қапланбек» кеден бекетінің мамандары Қ.Мұздыбаев, Б.Нұрбаев, М.Күміс және Б.Әлиев 3 жыл 6 айға, ал Н.Исаев 4 жылға бас бостандығынан айырылды.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.