WBO Жәнібекке талап қойып отыр

Қазақстандық Жәнібек Әлімханұлы мен америкалық Деметриус Андрадеге орта салмақтағы титулға жекпе-жек өткізу үшін қосымша мерзім берілді. WBO өз шешімін промо-сауда басталғанға дейін хабардар етті.

Бұған дейін Андраде жекпе-жексіз титулдан бас тартатыны хабарланған, ол карьерасын дамыту үшін басқа бағыт таңдады және қазақ боксшыға басқа қарсылас ұсынған болатын.

"Барлық мүдделі тараптар арасында жалғасып жатқан талқылауларды ескере отырып, WBO комитеті тараптарға келісімге келу үшін күнтізбелік бес күн мерзім бергенін ескертеміз.

Осылайша, WBO штаб-пәтерінде 28 қаңтарға жоспарланған Деметриус Андраде мен Жәнібек Әлімханұлының жекпе-жегінің саудасы бірден кейінге шегерілді.

Егер осы құжатта көрсетілген мерзімде келісімге қол жеткізілмесе, сауда-саттық рәсімі WBO әлем чемпионы атағы бойынша күрес ережелеріне сәйкес өткізіледі. WBO комитеті титулдық жекпе-жектерге арналған WBO ережелерінің мақсаттарына, саясаты мен ниеттеріне қол жеткізу үшін қажетті, пайдалы және ыңғайлы деп есептейтін барлық шешімдерді қабылдау құқығын өзіне қалдырады", - деді WBO.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.