$ 449.58  486.94  4.86

Шуда жұрттың көз алдында қыз алып қашқандар видеоға түсіп қалды

Қыз оқиғаны видеоға түсірген, өйткені ол Шуға тек жігіттің ата-анасымен танысуға барған. Ал жігіті бірден той жасауға шешім шығарған, бірақ қыз оған дайын болмаған
Фото: ашық дереккөз
Фото: ашық дереккөз

Әлеуметтік желілерде бір топ жігіт күштеп көлікке отырғызып жатқан қыздың видеосы тарады. Онда қыз қарсылық білдіргені әрі адамдарды көмекке шақырғаны көрінеді, - деп хабарлайды Tengrinews.kz.

Жазбаға пікір білдірушілер оқиға Жамбыл облысы Шу қаласының теміржол вокзалында болғанын айтты. Сондай-ақ, олардың айтуынша, куәгерлер қыз ұрлау сәтін видеоға түсіріп алуы мүмкін.

Видеоға қатысты Шу аудандық полиция бөлімінің қызметкерлері пікір білдірді.

"Жігіт пен қыз оқиғаның мән-жайын анықтау және түсініктеме алу үшін аудандық полиция бөліміне шақырылды. Олар бірге жұмыс істейтінін және шамамен, алты айға жуық уақыт кездескенін айтты. Қыз оқиғаны видеоға түсірген, өйткені ол Шуға тек жігіттің ата-анасымен танысуға барған. Ал жігіті бірден той жасауға шешім шығарған, бірақ қыз оған дайын болмаған", - деді тәртіп сақшылары.

Қыз арыз жазудан бас тартқаны айтылды.

"Қазір жұп қыздың үйіне барып, ата-анасымен танысып, салт-дәстүрге сай оның қолын сұрайды", - деді полиция қызметкері.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары