Жаңалықтар 07.02.2022 сағат 10:00

«Газ он есе қымбаттайды» - Еуроодақ

ЕО-ның сыртқы саясат және қауіпсіздік саясаты жөніндегі жоғарғы өкілі Жозеп Боррель Еуроодақтағы газ бір жылда 6-10 есе қымбаттағанын мәлімдеді.
«Газ он есе қымбаттайды»  - Еуроодақ
tengrinews.kz
Бөлісу
Бөлісу
Бөлісу

ЕО-ның сыртқы саясат және қауіпсіздік саясаты жөніндегі жоғарғы өкілі Жозеп Боррель Еуроодақтағы газ бір жылда 6-10 есе қымбаттағанын мәлімдеді, - деп хабарлайды Tengrinews.kz Еуропалық сыртқы байланыстар қызметінің сайтына сілтеме жасай отырып.

Боррел ЕО-да стратегиялық газ қорын игеру мүмкіндігін шұғыл түрде қарастыруға шақырды. Ол ұзақ мерзімді мақсатқа - энергия қуатын үнемдеуге шақырды. Оның айтуынша, Вашингтондағы ЕО-АҚШ энергетикалық кеңесі осы бағыттағы трансатлантикалық ынтымақтастықты нығайтуға ықпал етеді.

"ЕО-дағы газ бір жыл бұрынғыға қарағанда 6-10 есе қымбаттады, бұл электр энергиясы бағасына үлкен әсер етеді. Өйткені бұл бағалар Еуропадағы электр энергиясының көтерме нарығында анықталады. Бұл 2021 жылдың аяғына инфляцияның өсуіне әкелді", - делінген хабарламада.

Саясаткер энергия бағасы 2022 жылы жоғары болса, инфляцияның жоғарылауына ықпал етсе, ол COVID-19 пандемиясынан кейін экономиканы қалпына келтіруге айтарлықтай әсер ететінін айтты.

Сонымен қатар, саясаткер қазір Еуропа Одағындағы газ импортының шамамен 40 пайызы Ресейге, ал импорттан түсетін Ресей кірісінің 60 пайызы ЕО-дан келетінін айтты. Ол Мәскеуге қарсы жаңа санкциялар енгізілген жағдайда Ресейден жеткізу көлемі қысқарып қалуына дайындық қажет екенін айтты.

"Қазір Ресеймен арада болып жатқан ауыр дағдарыс жағдайында баға мәселесі ғана емес, сонымен қатар, жеткізу қауіпсіздігі мәселесі де пайда болып жатыр. Энергетикалық саясат әрқашан ЕО мен Ресей арасындағы қарым-қатынаста үлкен роль атқарады. Ресейден газ импортының жалпы коэффициентін төмендете отырып, жасыл энергияға өтуге ғана емес, стратегиялық тәуелділігімізді төмендетуге де инвестиция саламыз", - делінген хабарламада.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар