$ 441.79  478.77  4.9

Қазақстанда балаларға арналған тегін ұшақ билеті бәріне бірдей берілмейді

Қуануға әлі ерте. «Kids go free» жобасының белгілі бір шарттары бар.
Фото: ашық дереккөз
Фото: ашық дереккөз

Биыл тек 20 000 бала тегін демалыс рейсін пайдалана алады. 1 қаңтардан бастап Қазақстанда енгізілген жаңа ережелер жұртшылықты бір қуантып тастаған еді. Бірақ, белгілі болғандай, қуануға әлі ерте. «Kids go free» жобасының белгілі бір шарттары бар. 

«Kids go free» жобасы 2019 жылы қолға алынған. Алайда жұрт ойлағандай барлық балаға тегін ұшақта ұшу билеті берілмейді. Тек 2 жастан 17 жасқа дейінгі балаларға туристік агенттіктен туристік пакет сатып алған жағдайда тегін болмақ. Туристік пакетке жатар орны, тамақтану, экскурсиясы кіру керек. Ал туристік агенттікке соманы мемлекет өтейді. 

Тағы оқыңыз: Енді балалар Қазақстан бойынша тегін ұшады

«Бұл жоба ең бірінші кезекте туризмді дамыту мақсатында қолға алынды. Сондықтан тек туристік пакет алған жағдайда ғана балалар тегін ұша алады. Басқа жағдайда мүмкіндік жоқ», – деді «KAZAKH TOURISM» ҰК басқарма төрағасының орынбасары Қайрат Сәдуақасов.

Жоба жайлы естіген жұрт туристік агенттіктерге хабарласып, кезек алғысы келеді. Алайда оның қандай шарттары бар екенінен бейхабар.
Бұл жобаға барлық туристік агенттіктер де қатыса алмайды. Тек сыртқы және ішкі туризмге лицензиясы барлар ғана қатысады.

Биыл «Kids go free» жобасына 358 000 миллион теңге бөлінді. Есеп бойынша бұл тек 20 мың қазақстандық баланың шығынын өтей алады. Ал біздің елде балалардың саны 2 миллионға жуық. 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#балалар #ұшақ