Шавкат Рахмонов UFC рейтингіне кірді

Қазақстандық файтер Шавкат Рахмонов (15-0) алғаш рет жартылай орта салмақта UFC-дегі топ-15 қатарына енді. Оның есімі ұйымның сайтындағы ресми рейтингте пайда болды, - деп хабарлайды Tengrinews.kz.

Жексенбі, 6 ақпанда "Номад" гайаналық Карлстон Харристі (17-5) нокаутқа түсірді. Бұл қазақстандықтың UFC аясында өткен үшінші жекпе-жегі.

Енді Рахмонов жартылай орта салмақтағы үздік 15 спортшы рейтингін қорытындылап тұр. Бұрын бұл сатыда "Кунг-фу патшасы" деген лақап атпен танымал ресейлік Муслим Салихов болған.

Бұл жаңалыққа Рахмоновтың өзі де әлеуметтік желіде пікір білдірген.

Еске салайық, Шавкат бұл жекпе-жегі үшін 50 000 доллар көлемінде сыйақы алған болатын.