$ 448.15  483.46  4.86

Шығыс Қазақстан облысы әкімдігі 30 млн теңгеге унитазсыз дәретханалар сатып алған

Өткен жылдың соңында әкімдікке қарасты «ТАЗА Өскемен» алты дәретхана жеткізу үшін 30 576 000 теңге төлеген.
Фото: ашық дереккөз
Фото: ашық дереккөз

ШҚО әкімдігіне қарасты «Таза Өскемен» ЖШС құны бір бөлмелі пәтермен тең модульді даретхана сатып алды. Бұл туралы «Әділдік жолы» республикалық қоғамдық бірлестігінің атқарушы директоры Дидар Смағұлов мәлімдеді.

«Өткен жылдың соңында әкімдікке қарасты «ТАЗА Өскемен» алты дәретхана жеткізу үшін 30 576 000 теңге төледі, бір дәретхана үшін 5 416 320 теңге. Бұл дәретханалар унитазсыз, бірақ генуя ыдысымен, яғни еденінде тесік бар. Әрқайсында біреуден», - деп жазды Дидар Смағұлов.

«Әділдік жолы» бірлестігі басшысының айтуынша, бірнеше орынға арналған мұндай конструкциялар шамамен 2 млн теңге тұрады. Ал Өскемен қаласында бір орындық кабиналар сатып алынған.

Сондай-ақ Дидар Смағұлов 5,5 млн теңгеге krisha.kz сайтынан бір бөлмелі пәтер тауып алуға болатынын айтып, бұл сатып алуға қатысты уәкілетті органға тиісті сұрау жіберетінін мәлімдеді.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары