Алматы облысындағы полиция ғимараты өртенді

 Талғар ауданы полициясының әкімшілік ғимараты кабинеттерінің бірінде өрт болды, деп хабарлайды ҚазАқпарат.

Видео әлеуметтік желіде тарады. Алматы облысының полиция департаменті өрттің 12 ақпан күні шамамен сағат 14:55-те тұтанғанын хабарлады.
«Жергілікті өрт сөндіру қызметі дереу оқиға орнына жетіп, өртті 25 минут ішінде сөндірді. Құрбандар мен зардап шеккендер жоқ. Өрттің әрі қарай таралуы жол берілген жоқ. Қызметтік құжаттар бүлінбеді», - деді Алматы облысының полиция департаментінің баспасөз қызметінен.

Алдын ала болжам бойынша, өрт электр сымдарының қысқа тұйықталуынан болған. Оның салдары анықталып жатыр.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.