Бүгін Бейжіңдегі қысқы Олимпиада ойындарының жабылу салтанаты өтеді

Бейжіңдегі Олимпиада ойындарында Қазақстан намысын 34 спортшы қорғады. Өкінішке қарай, бірде-бірі жеңіс тұғырынан көріне алған жоқ.

Бүгін Бейжіңдегі қысқы Олимпиада ойындарының жабылу салтанаты өтеді, деп хабарлайды Azattyq Rýhy.

Бұл шараны Qazaqstan, Qazsport және «Хабар» телеарналары тікелей эфирде көрсетеді. Тікелей эфир Нұр-Сұлтан уақытымен 17:20-да басталады.

Еске салайық, Бейжіңдегі Олимпиаданың ашылу салтанатында шорт-трекші Абзал Әжғалиев пен конькиші Екатерина Айдова Қазақстанның туын алып шыққан болатын.

Бейжіңдегі Олимпиада ойындарында Қазақстан намысын 34 спортшы қорғады. Олар шаңғы жарысы, фристайл акробатика және могул, конькимен жүгіру, шорт-трек, биатлон, тау шаңғысы, тұғырдан секіру, шаңғы қоссайысы сияқты 8 спорт түрінен сынға түсті. Өкінішке қарай, бірде-бірі жеңіс тұғырынан көріне алған жоқ.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.