Ақтөбеде медбикелер боран кезінде жедел жәрдем өтуі үшін жолды қардан тазалаған

Ақтөбелік ауыл медбикелерінің боран кезінде қар құрсауында қалған жедел жәрдем көлігінің жолын тазартқаны туралы видео желіге тарап, көпшіліктің талқылауына түскен болатын. Амбулатория қызметкерлері көмек күтпестен өздері іске кіріскен, деп хабарлайды КТК арнасы.

Видеодағы көрініске қарап, медбикелердің бұл істі жиі атқаратынын байқауға болады. Бастықтары да бұл ақпаратты растады. Аудан орталығынан 140 шақырым жерде орналасқан Құмсай ауылына баратын жолды боран салдарынан қар үнемі жауып тастайды. Сондықтан да жедел жәрдем көлігі дәрілермен қоса күректерді де үнемі өздерімен бірге алып жүреді. Бұл жолы медбикелерге қызметкерлер көмектескен.

Бейнежазбаны түсірген автордың айтуынша ақ халаттылар осылайша бірнеше шақырым жолды тазалауға мәжбүр болған.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.