$ 444.22 € 476.38 ₽ 4.82
Нұр-Сұлтан қаласы әкімдігінің Қалалық мониторинг және жедел әрекет ету орталығының мамандары ауа райының нашарлауына байланысты республикалық жолдардың кейбір бағыттары бойынша қаладан шықпауға шақырды.
Ақпарат Қалалық мониторинг орталығының Telegram-каналында жарияланды.
"7 наурызда сағат 14:20-да ауа райының нашарлауына байланысты (боран, көктайғақ) Екатеринбург-Алматы республикалық маңызы бар автожолында 917-ден 1 247 шақырымына дейін, Нұр-Сұлтан учаскесі - Жақсы кенті бағытында көліктің барлық түріне жол жабылды", - делінген хабарламада.
Сондай-ақ, боран мен жолдың нашар көрінуіне байланысты сағат 15:00-ден бастап Нұр-Сұлтан-Щучинск тасжолының 18-ден 231-ші шақырымына дейінгі учаске барлық көлік үшін жабылды.
Осыған ұқсас қозғалыс республикалық маңызы бар Нұр-Сұлтан – Ерейментау – Шідерті автожолында 16-дан 156 километрге дейінгі учаскесінде сағат 15:30-дан бастап қозғалыс тоқтатылды.
Жағдай өзгерген кезде қосымша ақпарат жарияланады.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.
