Бидай тиеген 17 қазақстандық жүк көлігі Ресей шекарасында тұрып қалды (ВИДЕО)

Қазақстандық жүк тасымалдаушылары да  ресейлік шекарашылардың үстінен шағым түсіріп, бір аптадан бері бидай тиеген (басқа да) жүк көліктері тұрған тұрақтан видео жіберді.

Қазақстандық кәсіпкер Марат Қонақбаев оның Ресей бидайы тиелген 17 «КамАЗ» көлігі Құлынды  кеден бекетіне наурыздың 13-і күні келгенін, бірақ оларды шекарадан өткізуге тыйым салынғанын айтты.

— Қазақстандық импорттаушылар мен тасымалдаушыларға  Ресей Федерациясы тарапынан озбырлық  көрсетілуде. Біз 8-9-10 наурыз күндері Ресей Федерациясы бағытында бидайды автокөлікпен жеткізу үшін шекарадан өттік. Келгелі, яғни  13-14 наурыздан фитосанитарлық бақылауға келгеннен бері бізге тіркеу мен жол жүруге рұқсат берілмеді. Олардың айтуынша, бұл күндері  жүктерді тіркеуге және алып өтуге рұқсат  берілмейді. Осының  салдарынан бидай тиелген 17 жүргізуші шекарада тұр, – дейді ол.

Ресейден астық экспорттауға уақытша тыйым 15 наурызда енгізілген және ресейлік БАҚ-тың хабарлауынша, 30 маусымға дейін күшінде болады. Бұл ретте қазақстандық кәсіпкерлердің шығыны күн сайын артып отыр.

— Біз бидайды өз қаражатымызға сатып алдық, Қазақстанға да өзіміз тасымалдаймыз, содан кейін диірмендерге немесе наубайханаларға өткіземіз, осыдан кейін ғана пайда табамыз. Бізге қазір жүктерді түсіріп, әрі қарай жүре беруді ұсынады. Бірақ егер сіз бидайды, мысалы, ресейлік диірмендерге қайтаруға тырыссаңыз бұл да үлкен шығын. Қазір әрбір жүргізушінің бос тұрған әр күні 20-25 мың теңге шамасындағы шығын, – деп нақтылады кәсіпкер.

Оның айтуынша, ресейлік бидайдың осы соңғы рейсі үшін ол 8 миллион теңгеден астам шығынға ұшырайды. Олар кәсіпкерге  ҚР Ауыл шаруашылығы министрлігінде және «Атамекенде» көмектесеміз деп уәде берген. Бірақ мереке күндеріне байланысты (Қазақстанда – Наурыз мейрамы) министрліктен Orda.kz тілшісі де жауап ала алмай отыр.

Ауыл шаруашылығы министрлігі Қазақстанда астық тапшылығы туралы жалған ақпарат тарап жатқандығын хабарлады. Сонымен қатар олар ішкі нарықта импортты алмастыратын шикізаттың қажетті көлемі бар деп сендірген болатын.

orda.kz

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.