Жаңалықтар 28.03.2022 сағат 15:30

Жасыл экономика – Қазақстанның инновациялық және тұрақты даму парадигмасы

Қазақстан тұрақты экономикалық дамуға және оның өсуіне ықпал ете алатын жаңартылатын энергия көздерін пайдаланудың елеулі әлеуетіне ие.
Жасыл экономика – Қазақстанның инновациялық және тұрақты даму парадигмасы
Фото: ашық дереккөз
Бөлісу
Бөлісу
Бөлісу

Соңғы бірнеше онжылдықта көптеген дамыған және дамушы елдер экономикалық өсудің тұрақтылығының, ресурстарды пайдалану мүмкіндіктерін кеңейтудің және қоршаған ортаға зиянды әсерді азайтудың басымдылығын анықтады. Табиғи ресурстарды тиімді және жауапты пайдалану арқылы 2000 жылдары тұрақты өсуге қол жеткізуге бағытталған «жасыл өсу» тұжырымдамасы енгізілген сәттен бастап көптеген үкіметтер үшін экономикалық саясаттың ажырамас бөлігі болды, деп жазады Skifnews.kz ақпараттық порталы.

Жан-жақты және орнықты өсуге деген жаһандық ұмтылысқа сәйкес Қазақстан орнықты даму бағытында алғышарттар жасау үшін ұлттық және регламенттелген даму бағдарламалары мен стратегияларды қабылдады. Қазақстан бірқатар заңнамалық құжаттарды, оның ішінде Экологиялық кодексті (2007), «Жаңартылатын энергия көздерін пайдалануды қолдау» туралы Заңды (2009 жыл) және «Жасыл экономикаға» көшу тұжырымдамасын (2013 жыл) қабылдау арқылы «Жасыл өсуге» көшу үшін ұйымдық-құқықтық негіз жасаған Орталық Азиядағы бірінші мемлекет болды. 

Билік көптеген халықаралық қаржы институттары және стратегиялық серіктестермен жаңартылатын энергетиканы, таза технологиялар мен инфрақұрылымды көтермелеу мен дамытуға қатысты тиімді қарым-қатынас орнатты. Бұдан бөлек, Қазақстан «Жасыл көпір» (GBPP) Серіктестік бағдарламасы шеңберінде тұрақты даму мүддесінде халықаралық ынтымақтастыққа жәрдемдесіп келеді.

Қазақстан тұрақты экономикалық дамуға және оның өсуіне ықпал ете алатын жаңартылатын энергия көздерін пайдаланудың елеулі әлеуетіне ие. Елдегі жел энергетикасының әлеуеті 2030 жылға қарай елдің электр энергиясына болжамды қажеттілігінен 10 есе артық. 

Қазақстан жаңартылатын энергетика саласындағы бастапқы заңнама нормаларын қабылдады және электр энергетикасы жүйесіне қолжетімділік пен жеңілдікті тарифтер сияқты қолдау көрсету шараларын белгіледі. Соған қарамастан, Қазақстан өңірде жаңартылатын энергетиканың дамуына ықпал ететін күн және жел энергиясын өндіру мүмкіндігі бар жалғыз мемлекет.

Мемлекет басшысы Қасым-Жомарт Тоқаев 2021-2025 жылдарға арналған «Жасыл Қазақстан» ұлттық жобасын әзірлеуге бастамашы болып, экономиканы көгалдандыру мен қоршаған ортаны қорғауды экономикалық бағыттың негізгі бағдарларының бірі деп атады. 

«Тағы бір өзекті мәселе – экология саласы. Бұл – халықтың тұрмыс сапасына ықпал ететін өте маңызды сала. Бірақ біздегі ахуал ойдағыдай деп айтуға болмайды. Сауалнама кезінде азаматтарымыздың 48 пайызы ғана экологиялық жағдайға көңіліміз толады деп жауап берген. Осыған орай, жаңа Экологиялық кодекс қабылданды. Бұл – жұртшылықтың талап-тілегін ескеріп дайындалған жүйелі әрі кешенді құжат. Сондай-ақ кодекс озық халықаралық стандарттарға сай келеді», - деген еді ҚР Президенті.

Бүгінде ел өңірлерінде көміртектің сіңірілуін арттыру және шөлейттенуді тежеу үшін бес жыл ішінде ормандарда 2 млрд астам ағаш және елді мекендерде 15 млн ағаш отырғызу бойынша Президент алға қойған ауқымды міндет іске асырылуда.  

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар