Жаңалықтар 31.03.2022 сағат 14:20

Алматыда жеті нысан «миналанған»

Олар - үш банк, екі СОО, әуежай және оқырмандардың айтуынша, ҚБТУ.
Алматыда жеті нысан «миналанған»
Фото: ашық дереккөз
Бөлісу
Бөлісу
Бөлісу

Алматыдағы жеті объектідегі жарылғыш құрылғылар туралы хабарламаны қала полициясы тексеріп жатыр. Осы сағатта полицейлер үш нысанды тексеріп болды,  олардың бірде-біреуінен күдікті зат табылған жоқ, деп хабарлайды Алматы ПД баспасөз қызметі.

"Қазіргі уақытта қаланың шұғыл жедел қызметтері бірқатар нысанды жарылғыш заттың бар-жоғына тексеруде. Таңертең жеті нысанда жарылғыш құрылғылар салынғаны туралы хабарламалар келіп түсті. Олардың үшеуінде тексеру жүргізілді, ақпарат жалған болып шықты, расталмады. Қалған жұмыстар жүргізілуде. Тексеру арнайы техника мен саперлерді пайдалана отырып жүзеге асырылады. Алгоритмге сәйкес объектілерге келушілерді, персоналды эвакуациялау жүргізілетіні сөзсіз. Азаматтардан қабылданып жатқан қауіпсіздік шараларына түсіністікпен қарауды сұраймыз", - делінген полиция хабарламасында.

Алматы әуежайы да жарылғыш зат туралы хабарлама түскенін растады. 

"Алматы халықаралық әуежайы терминал аумағында салынған бомба туралы ақпарат алынғанын растайды. Қауіпсіздік хаттамасына сәйкес жолаушылар мен персоналды эвакуациялау жүргізілді", - деп хабарлады әуе компаниясының баспасөз қызметі. 

Әлеуметтік желілерде алматылықтар эвакуация жүргізілген немесе жүргізіліп жатқан жерлерден кадрлармен бөлісіп жатыр. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар