$ 443.85 € 474.3 ₽ 4.8
«Antikor Ortalygy» алаңында Алматы қаласының Сыбайлас жемқорлыққа қарсы қызметі жоғары оқу орындарының заңгер-студенттері үшін өз есігін ашты.
Іс-шара барысында студенттер сыбайлас жемқорлыққа қарсы қызметтің негізгі бағыттарымен және мемлекеттік қызметке жұмысқа орналасу рәсімімен танысты.
Жоғары оқу орындарының түлектері үшін ведомство бойынша экскурсия өткізіліп, сыбайлас жемқорлыққа қарсы күресте пайдаланылатын құралдар мен жабдықтар көрсетілді.
Іс-шараның негізгі мақсаты – еліміздің сыбайлас жемқорлыққа қарсы қызметіне қызығушылықты арттыру, сондай-ақ қызметке жас және сауатты мамандарды тарту.
«Еліміздің болашағы, бүкіл қоғамның дамуы жастардың өмірлік ұстанымдарына байланысты. Сыбайлас жемқорлыққа қарсы саясатта жастарға ерекше көңіл бөлінуі тиіс», - деп атап өтті Департамент басшысы Мұрат Ахметов.
«Біз жаңа Қазақстанды құруға болатын адал адамдардың ұрпағын өсіруіміз керек. Дұрыс емес және заңсыз жолдардан бас тартуға, заңға бағынатын мінез-құлыққа және заңды бұзудың кез келген әрекетін қабылдамауға автоматты түрде әрекет ететін заңгерлердің жас буынын тәрбиелеу маңызды», - деп атап өтті Агенттік жанындағы Қоғамдық кеңестің мүшесі Айнұр Сәбитова.
Кездесу соңында студенттер кәсіби бағдарлау жұмысына бағытталған қызықты және танымдық іс-шараны ұйымдастырғаны үшін алғыстарын білдірді.
