Белгісіз азамат саунадағы әкімші әйелді ұрып тастады (ВИДЕО)

Ал жанындағы екінші адам оқиғаға араша түспей, бейқам қарап отырған.

Фото: ашық дереккөз

Әлеуметтік желіде Нұр-Сұлтан қаласы маңындағы Қосшы елді мекенінде орналасқан «888» сауна кешенінде бүгін таңғы сағат 07.00-лер шамасында белгісіз азамат әкімші әйелге қол жұмсаған видео тарап кетті, деп хабарлайды Kozachkov offside телеграм арнасы.

Видеодан алкогольді ішімдік ішкен адамның әйелді бетінен бірнеше рет ұрып, иығынан нұқып жібергенін анық көруге болады. Инцидентке демалушылардың ақы төлемеуі себеп болған.

Ал жанындағы екінші адам оқиғаға араша түспей, бейқам қарап отырған. Ең қызығы, полиция оқиғаға байланысты іс қозғамай, 15 минут жауап алған соң, төбелескіш азаматты жібере салған.

Азаматтың лауазымды қызметкердің туысы деген болжам да айтылуда.