Алматы облысының тұрғындары құрттаған су ішіп отыр

Алматы облысы Қырғауылды аулының тұрғындары үйіне орталықтандырылған су құбырынан келетін құрты бар суға шағымданды. Тұрғындардың айтуынша, су сапасына жеткізуші кінәлі, ол оны қарапайым арықтан алып, тұтынушыларға тазартпай береді,  деп хабарлайды "Хабар 24".

Халықтың айтуынша, су нашар болғасын, бәрі ішек ауруларымен, тері бөртпелерімен және герпеспен ауыра бастаған. Үйге келетін су лас әрі ішінде құрты бар. Жергілікті тұрғындар ауылдық әкімдікке бірнеше рет шағымданған, бірақ мәселе үш жыл бойы шешілмей келеді.

Тұрғындар жеткізушімен арада сумен қамтамасыз ету туралы шарт жасасқан кезде су таза болғанын айтады. 2020 жылы жағдай өзгерген.

"ЖК" Темірбаев" 2016 жылдан бастап жұмыс істеді. Бастапқыда су "Торпеда" бау-бақшасында орналасқан су сорғысынан келді. Су сорғысы небары 100 метр болды, кейін су сорғыш толық кеуіп қалды. Өйткені ол жақтан "Торпеда" да, біз де алдық. Ол халыққа ештеңе айтпастан, арықтан су бере бастады. Тұрғындар өздері су арықтан ағып жатқанын анықтаған", - деді Қырғауылды аулының тұрғыны Галина Лавренцова.

Арықтағы суды 200-ден аса тұрғын тұтынатыны белгілі болды. Алдымен су кәдімгі электр сорғысының көмегімен су қоймасына жіберіледі, сол жерден желілерге бөлінеді. Сүзіп, хлормен тазаланбайды. Тұтынушылар әрбір текше метр су үшін 350 теңгеден төлейді.

"Барлық техника, ыдыс жуғыш машина, кір жуғыш машиналар бітеліп қалады. Суға тапсырыс беріп жүрміз, өзім су әкелемін. Әр апта сайын 7 мың кетеді. 5 текше әкелемін. Бұл судан бөлек 28 мың теңге шығады", - дейді Қырғауылды аулының тұрғыны Алексей Яковичный.

Телеарна мәліметінше, тұрғындар су жеткізуші Ержан Темірбаевты кездесуге шақырған. Бірақ ол келмеген. Ол компанияның өкілі болмаса да, ұлын жіберген. Ұлы бір ай ішінде таза су жіберілетініне уәде берген.

"Қазіргі таңда бір жарым мың куб екі су қоймасын тазарту жұмыстары жүргізіліп жатыр. Келешекте Жаңатұрмыс, Қырғауылды аулы сумен қамтамасыз етіледі", - Райымбек ауылдық округінің әкімі Елжан Төленбаев

Енді тұрғындар су қоймаларының құрылысы аяқталғанша күтуге мәжбүр. Ал әзірше ауыл әкімі басқа су жеткізушімен шарт жасауды ұсынады. Оның айтуынша, мұны тұрғындардың өзі жасауы керек.