Жаңалықтар 05.04.2022 сағат 17:20

«Масылдық»: министр 300 мың теңгенің жұмысына бармайтындарды сынады

Егер жұмыс жоқ деп жата берсек, жұмыс аспаннан түспейді. Ең бастысы, қандай жұмыс болса да ұялмау қажет.
«Масылдық»: министр 300 мың теңгенің жұмысына бармайтындарды сынады
Фото: ашық дереккөз
Бөлісу
Бөлісу
Бөлісу

Халықты қымбатшылық қысып келеді. Азаматтардың алатын жалақылары күнделікті азық-түліктен артылмай жатыр. Мұндай кезде қазақстандықтар не істеуі керек? Бұл сұраққа Премьер-министрдің орынбасары-Қаржы министрі Ерұлан Жамаубаев Үкімет отырысынан кейін кулуарда жауап берді деп хабарлады Baq.kz.

«Ол үшін жұмыс істеу керек. Көп жағдайда естіп жататыным, зауыттар мен кәсіпорындарда 300 мың теңгеге жұмысшылар келмейді дейді. Ондай фактілер бар. Ондай жалақыға жұмыс істегісі келмей, еркін жүріп, нағыз қоғамдық жұмысқа араласқысы келмейтіндер бар. Сондай масылдықтың бары белгілі. Дегенмен, менің негізгі кеңесім – жұмыс істеу. Жұмыс істеймін дейтін адамға бәрі бар. Кәсіп ашқысы келсе де, барлық мүмкіндік жасалып отыр», – деді ол.

Сондай-ақ, министр ең табысы төмен санаттағы азаматтардың жағдайы барынша жасалып отырғанын айтты. Айтуынша, бұл мақсатта бюжеттен қаржы мен инвестициялар құйылып, жұмыс жүргізіліп жатыр.

«Халықтың тұрмыс-жағдайын бизнес саласына араласып жүрген соң білеміз. Егер жұмыс жоқ деп жата берсек, жұмыс аспаннан түспейді. Ең бастысы, қандай жұмыс болса да ұялмау қажет», – деді Жамаубаев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар