Қырғыз-тәжік шекарасында қарулы қақтығыс болды

12 сәуір күні кешке Қырғызстан мен Тәжікстан шекарасында тағы қарулы қақтығыс болды, - деп хабарлайды Tengrinews.kz тілшісі.

Қырғызстан ҰҚК Шекара қызметі баспасөз орталығының мәліметінше, оқиға Қырғызстан шекара отряды қызмет атқарып жатқан Баткен облысы Лейлек ауданы Селкан ауданында болған.

"Көршілес аумақта жүрген тәжік шекарашылары қырғыз әскери қызметшілерін көріп, Мемлекеттік шекараның шартты сызығына қарай жылжи бастады. Қырғыз шекарашыларының шекара сызығынан өтпеу, өз аумағына қарай кету туралы талаптарын Тәжікстанның шекара жасағы елемей шекарадан өтіп, Қырғызстан аумағына 20 метрге кіріп алды. Тәжік шекарашыларының аумаққа өтуіне жол бермеу мақсатында ҚР ҰҚКҰ ҚС шекара жасағы әуеге ескерту оқ жаудырды", - деп хабарлады ведомствоның баспасөз қызметі.

Тәжікстан шекарашылары жауап ретінде қырғыз шекарашыларына оқ жаудырған. Бұл қақтығыстың нәтижесінде қырғыз тарапынан жараланғандар мен зардап шеккендер жоқ.

Алайда екінші болған атыстан қырғыз сарбазы жараланды. Сондай-ақ екі тәжік әскери қызметкерінің жараланғаны хабарланды.

"Сағат 21:17 шамасында оқиға орнына келген Қырғызстан мен Тәжікстан шекара өкілдері арасындағы келіссөздер барысында Тәжікстан шекарашылары қайтадан Қырғызстан ҰҚК ШҚ әскери қызметшілеріне оқ жаудырды. Қайта атыс басталды, ол шамамен 30 минутқа созылды. Жараланғандар бар", - деп хабарлады ҚР ҰҚК Шекара қызметі.

Атыс жергілікті уақыт бойынша 22:15-те тоқтағаны атап өтілді.

Қақтығыс аймағынан Мақсат, Арқа, Борбордук, Жаштық және Достык ауылдарының тұрғындары эвакуацияланды.

Қырғызстан шекара қызметі өкілінің айтуынша, мемлекеттік шекараның қырғыз-тәжік учаскесіндегі жағдай салыстырмалы түрде тұрақты, бірақ арасында шиеленісіп тұрады.