Жаңалықтар 13.04.2022 сағат 18:20

Доллар арзандады, бірақ азық-түлік бағасы неге түспейді? - Сауда комитеті жауап берді

Қазір өндірушілер доллар ертең не болады деп күтіп отыр.
Доллар арзандады, бірақ азық-түлік бағасы неге түспейді? - Сауда комитеті жауап берді
Фото: baq.kz
Бөлісу
Бөлісу
Бөлісу

Азық-түлік бағалары қашан тұрақталады? Журналистің қойған сұрағына Сауда комитеті төрағасының орынбасары Айдар  Әбілдабеков жауап берді, деп хабарлайды baq.kz.

"Доллар бір күнде өсті, бірақ қанттан басқасы бір күн ішінде өсіп кеткен жоқ. Қалған азық-түлік тауары да біртіндеп көтерілді. Ал қазір доллар бағамы қайта түсті, алайда оның ертеңінде бірден баға төмендемейді. Қазір өндірушілер доллар ертең не болады деп күтіп отыр. Егер доллар бағамы осы айдағыдай тұрақталса азық-түлік бағасы да түседі деп ойлаймын. Біз нарықтық экономикасы бар мемлекетпіз оның өз заңдылықтары бар", - деді Айдар  Әбілдабеков Орталық коммуникациялар алаңында өткен баспасөз мәслихатында.

Әбілдабеков ФАО мәліметтері бойынша наурыз айында әлемдік бағалар келесідей көрсеткіштерге дейін жеткенін айтқан болатын.

"Атап айтсақ, жылдық мәнде бағалар 34 пайызға өсті. Және наурыз айында ғана бағаның өсуі 12,6 пайызды құрады. Мысалы, өсімдік майларының бағасы 56,1 пайызға, дәнді дақылдар 37,3 пайызға, сүт өнімдеріне 23,6 пайызға және қантқа 22,6 пайызға өсті. Азық-түлік инфляциясының өсуі көрші елдерде де байқалады. Мәселен, Ресейде азық-түлік инфляциясы наурыз айына дейін 18 пайызды ал Өзбекстанда 14,4 пайызды құрап отыр", -деді Сауда комитеті төрағасының орынбасары Айдар  Әбілдабеков.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар