Жаңалықтар 18.04.2022 сағат 14:20

Тоқаевтың күйеу баласы Болгариядағы елші қызметінен босатылады

Президенттің туыстарына лауазымды қызмет атқаруға тыйым салынса, бәрі заң бойынша жасалады.
Тоқаевтың күйеу баласы Болгариядағы елші қызметінен босатылады
Бөлісу
Бөлісу
Бөлісу

Қазақстанда Президенттің туыстарына лауазымды қызмет атқаруға тыйым салынса, Қазақстанның Болгариядағы елшісі Теміртай Ізбастин қызметінен кетеді. Бұл туралы әділет министрі Қанат Мусин айтты, - деп хабарлайды Tengrinews.kz тілшісі.

ОКҚ-дағы брифинг барысында журналистер министрден Президенттің туыстарына лауазымды қызмет атқаруға тыйым салу туралы заң жобасы жөнінде сұрақ қойған.

"Бұл жағдайда Президент Қасым-Жомарт Тоқаевтың туысы, Қазақстанның Болгариядағы елшісі (Теміртай Ізбастин - авт. еск.) қызметінен алып тастала ма" деп сұрады журналистер.

"Президенттің туыстарына лауазымды қызмет атқаруға тыйым салынса, бәрі заң бойынша жасалады. Қызметтен алып тастау деген кеңес кезінен қалған термин. Ол қызметін босатады, себебі заң бойынша бұл қызметті атқара алмайды", - деді Мусин.

Айта кетейік, Теміртай Ізбастин Қазақстан Республикасының Болгария Республикасындағы Төтенше және Өкілетті елшісі қызметіне 2019 жылдың 1 қарашасында тағайындалған болатын. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар