$ 449.58  486.94  4.86

Рудныйда студенттер колледж асханасындағы тамақтан уланды

Кеше асханадан барлығы 100-ден астам оқушы тамақтанған. Медициналық көмекке 35 адам жүгінді, оның 14-і ауруханаға жатқызылған.
Фото: ашық дереккөз
Фото: ашық дереккөз

Рудный тау-кен және технологиялық колледжінің студенттері асханада ішкен түскі астан кейін жаппай ауруханаға жатқызылды, - деп хабарлайды Tengrinews.kz.

Рудный тау-кен технологиялық колледжінде студенттер жаппай уланды. Жергілікті асханада түскі ас ішкен 70-тен аса студент жүрегі айнып, құсқысы келгеніне шағымданып қаланың медицина мекемелеріне жүгінген.

"Мәзірде сорпа, салат және компот болды. Студенттер тағамның дәмді болғанын айтты. Түскі ас ішкеннен кейін 3-4 сағат өткен соң жүректері айнып, ішектері ауыра бастаған. Бұл асханадан барлық балалар тегін тамақтанады. Колледжге азық-түлік жеткізушілер тек 29 наурыздан бастап жұмыс істеп жатыр, осыған дейін оларға ешқандай шағым түскен жоқ", - дейді колледж директоры Қайсар Қанешов.

Колледж асханасы орналасқан екі қабатты ғимарат қазір жабық. Кеше асханадан барлығы 100-ден астам оқушы тамақтанған. Медициналық көмекке 35 адам жүгінді, оның 14-і ауруханаға жатқызылған.

"Жедел гастроэнтерит" диагнозымен 14 адам ауруханаға жатқызылды, қалғандарына амбулаториялық емдеу тағайындалды. Рудный қаласының полиция басқармасы қозғалған қылмыстық іс аясында Қостанай облысының санитарлық-эпидемиологиялық бақылау департаменті аумақтық санитарлық-эпидемиологиялық бақылау басқармасымен бірлесіп, жеке тұлға "S_SALTA" ЖШС жалға алған "Рудный тау-кен технологиялық колледжі" КМҚК асханасын жоспардан тыс тексеруді бастады", - деп хабарлады санитария дәрігер.

Тағы оқыңыз: Ауруханадағы ас мәзірі құжаттағы талаппен неге сәйкес келмейді?

Мамандар зертханалық зерттеулер үшін өнімнің, судың, шайындылардың сынамаларын алды және асхана қызметкерлерін тексерді, зерттеу нәтижелері әлі шыққан жоқ. Студенттердің жағдайы орташа ауыр деп бағаланып отыр.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары