Өскеменде 5 жасар қызды қоғамдық көлік басып кетті (ВИДЕО)

Өскеменде 5 жасар қызды қоғамдық көлік басып кетті. Қайғылы оқиға 21 сәуірде болған деп хабарлады turkystan.kz.

«Олар менің көршілерім. Қыздың бетін жаптым. Үш минуттан кейін барлығы жүгіріп келді. Бұл өте қорқынышты. Небары бес-ақ жаста. Әжесі қолынан ұстап шыққан автобустан. Есік жабылып, қыздың аяғы қысылып қалған. Автобус болса жүріп кетті. Осылайша көліктің астында қалды. Өте қорқынышты», деп жазды куәгер әлеуметтік желіде.

Шығыс Қазақстан облыстық Полиция департаменті оқиғаны растады.

«59 жастағы автобус жүргізушісі «Нефтебаза» аялдамасында жолаушылардың толықтай түскеніне көз жеткізбестен жүріп кеткен. 2017 жылғы қыз көліктің астында қалды. Ол алған жарақаттан сол жерде көз жұмды», – делінген хабарламада.