3 мамырдағы ауа райы: елдің басым бөлігінде жаңбыр жауады

Кәсіпорын таратқан деректерге қарағанда, 3 мамырда атмосфералық фронталды бөліктердің өтуіне байланысты республиканың басым бөлігінде күн күркіреп, жаңбыр жауады, елдің таулы аудандарында, оңтүстік-шығысында қатты жаңбыр жауады.

Республика бойынша найзағай ойнап, жел күшейеді, елдің оңтүстігінде, оңтүстік-шығысында бұршақ жауады. Түркістан облысының солтүстігінде, батысында, таулы, тау бөктеріндегі аудандарында найзағай ойнап, дауыл тұрады, жел 15-20 м/с жылдамдықпен еседі, күндіз таулы аудандарда бұршақ жауады.

Түнде Жамбыл облысының солтүстігінде, таулы аудандарында, күндіз солтүстігінде, оңтүстік-батысында, оңтүстік-шығысында, таулы аудандарында найзағай ойнап, бұршақ жауады, күндіз оңтүстік-батысында, солтүстік-шығысында және облыстың таулы аудандарында жел 15-20 м/с дейін күшейеді.

Күндіз Алматы облысының солтүстігінде, оңтүстігінде, таулы аудандарында найзағай ойнайды, жел 15-20 м/с жылдамдықпен есіп, екпіні 25 м/с болады. Маңғыстау облысының батысында, оңтүстігінде, орталығында найзағай ойнайды, облыстың батысында – желдің екпіні 15-20 м/с-қа дейін жетеді.

Солтүстік Қазақстан облысының солтүстігінде, шығысында, күндіз Ақтөбе облысының шығысында желдің жылдамдығы секундына 15-20 метрге дейін күшейеді. Қостанай облысының шығысында тұман түседі, облыстың оңтүстігінде желдің екпіні 15-20 м/с-қа дейін күшейеді.

Қызылорда облысының орталығында найзағай ойнайды, солтүстікте, оңтүстікте, шығыста жел 15-20 м/с-қа дейін күшейеді. Қарағанды облысының солтүстігінде, оңтүстігінде, шығысында жел 15-20 м/с жылдамдықпен еседі, облыстың оңтүстігінде найзағай ойнайды.

Шығыс Қазақстан облысының оңтүстігінде найзағай ойнайды, желдің жылдамдығы секундына 15-20 метрге дейін жетеді. Ақмола облысының солтүстігінде түнде және таңертең тұман түседі. Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі сақталады.