Жаңалықтар 06.05.2022 сағат 07:20

Бюджет тапшылығы салдарынан сырттан 640 млрд теңге қарыз алынбақ

Бізде қаражат жоқ деп айту дұрыс емес, ішкі ресурстар бар.
Бюджет тапшылығы салдарынан сырттан 640 млрд теңге қарыз алынбақ
Бөлісу
Бөлісу
Бөлісу

Бәрін геосаяси шиеленіске жүктеп қойып, жауапкершіліктен қашуға болмайды. Сенат төрағасы экономикалық өсімді қамту үшін ішкі ресурстарды іздеу қажеттігін айтты деп хабарлады Skifnews. kz ақпарат порталы.

Мәулен Әшімбаевтың айтуынша, ел экономикасы мұнайдың бағасына байланып отыр. Бұл  дұрыс емес. Спикердің ойынша, бұл өз кезегінде бюджет тапшылығына әсер етеді. Ал бюджет тапшылығы салдарынан сырттан қарыз алуға тура келетін көрінеді.

«Бір жағынан, банктер экономиканы несиелендірмейді немесе жоғары пайыздық мөлшерлемемен несие бермейді. Екінші жағынан, біз халықтың ақшасы арқылы шағын орта бизнес үшін пайыздық мөлшерлемені субсидиялаймыз. Тек «Даму» қорының желісі бойынша биыл 170 миллиард теңге бөлеміз. Осылайша, біз жоғары пайыздық мөлшерлемені сақтай отырып, соны төмендетуге тағы бюджеттен жұмсап отырмыз. Әлбетте, бұл мемлекеттік органдарға да, банктерге де қолайлы. Өйткені тәуекел мен жауапкершілік аз.

Бюджет тапшылығы 3,3% деңгейінде қалып отыр. Оны толтыру үшін сырттан 640 млрд теңге алынады. Ал ішкі көздер 780 млрд-қа төмендетіледі. Сонда бір жыл ішінде тапшылық болмашы күйде ғана жабылып отыр. Бірақ бізде қаражат жоқ деп айту дұрыс емес, ішкі ресурстар бар», – деді Сенат төрағасы Мәулен Әшімбаев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар