Жаңалықтар 12.05.2022 сағат 11:20

Алматыда жатақханадан өрт шығып, 48 адам баспанасыз қалды

Тілсіз жаудың салдарынан тұрғындар бар мүлкі мен құжатынан айырылған.
Алматыда жатақханадан өрт шығып, 48 адам баспанасыз қалды
Бөлісу
Бөлісу
Бөлісу

Алматыда өрт салдарынан 48 адам баспанасыз қалды. Өрттен зардап шеккендер уақытша мектепке орналастырылды.

КТК арнасы таратқан ақпар бойынша, тілсіз жаудың салдарынан тұрғындар бар мүлкі мен құжатынан айырылған. Өрт жалпы аумағы 200 шаршы метрді шарпыған. 12 қонақ бөлме қатты зақымданған.

Зардап шеккендердің айтуынша, өрт сөндірушілер келгенше сыртқа өздері шығып үлгерген. Кейбіреулер екінші қабаттың терезесінен секіріпті.

Менің екі балам бар, біз екінші қабаттан секірдік. Құжаттарымды алып үлгердім. Екі бөлмелі пәтерді 50 мыңға жалдап келдік. Бар мүлкім су болды, пайдалануға жарамсыз. Барар жеріміз жоқ. Спорт залда тұрып жатырмыз, - дейді Айнұр Сафарова.

Алатау ауданы коммуналдық шаруашылық бөлімінің басшысы Қанат Әшірбековтің айтуынша, өрттен зардап шеккендер ыстық тамақпен және қажетті керек-жарақпен қамтылған.

Бірінші қабатта көлік жөндеу орталығы, екінші және үшінші қабатта тұрғын үй орналасқаны анықталды. Қазір құрылыстың құжаттары тексеріліп жатыр. Соның қорытындысы негізінде шешім қабылданады, деді Алатау ауданы төтенше жағдайлар жөніндегі басқарма басшысы Нұрлан Таубеков.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар