«Тоқаевтың Түркияға сапары – аса назар аударарлық іс-сапарлардың бірі» - саясаттанушы

Мемлекет басшысы Қасым-Жомарт Тоқаев Түркияға мемлекеттік сапармен барған болатын. Екі күнге созылған мемлекеттік сапар барысында ынтымақтастықты нығайта түсетін бірқатар маңызды келісімдерге қол қойылды. Белгілі саясаттанушы Досым Сәтпаев Тоқаевтың Түркияға жасаған іс-сапары туралы өзінің пікірін білдірді, деп хабарлайды Skifnews.kz ақпарат порталы.

«Президент Қ.Тоқаевтың Түркияға сапары аса назар аударарлық сапарлардың бірі болды. Өйткені ол Ресей, сондай-ақ ЕАЭО және ҰҚШҰ Қазақстан үшін күшті уытты серіктестерге айналған посткеңестік кеңістіктегі геосаяси архитектониканың қатаң трансформациясы аясында өтті.

Бір қызығы, Қ. Тоқаевтың Түркияға сапары кезінде президент Режеп Тайып Ердоған: «...Украинаның егемендігі мен аумақтық тұтастығы негізіндегі дағдарыстың бейбіт жолмен шешілуіне» деген Қазақстан мен Түркияның көзқарастары сәйкес келетініне назар аударды. Сонымен қатар ол «...бұл соғыс түркі мемлекеттерінің шаңырағы астында екіжақты ұйымшылдық пен ынтымақтастықтың маңыздылығын тағы бір рет көрсеткенін» атап өтті. Сондай-ақ, Түркия: «...біздің қазақстандық бауырластарымыздың тұрақтылығы, тыныштығы мен қауіпсіздігі үшін жауапкершілік алуға дайын» екенін,  оның ішінде саяси, сауда, әскери-экономикалық және мәдени салалардағы ынтымақтастықты жалғастыратынын айтты.

Бұл – Түркияның біздің еліміз үшін аумақтық тұтастыққа айқын қауіп төнген жағдайда Қазақстанға қолдау көрсетуге дайын екендігінің айқын белгісі.

Түркия сонымен қатар Украинаны белсенді түрде қолдады. Ресейдің Украинадағы арнайы әскери операциясын «соғыс» деп атап, Монтрё Конвенциясының ережелеріне сәйкес, Ресей әскери кемелері үшін Босфор мен Дарданеллы бұғаздарын жауып тастады. Сондай-ақ, Анкара Украина мен Ресей делегациялары арасындағы келіссөздерде, оның ішінде Түркияның маңызды геосаяси ойыншы ретіндегі мәртебесін нығайтуда белсенді делдал болды», - деп пікір білдірді Досым Сәтпаев.