Kaspi.kz арқылы зейнетақы мен жәрдемақы алу бұрынғыдан да жеңілдей түсті

Енді eGov.kz сайтында зейнетақы немесе жәрдемақы тағайындау үшін өтінім берген кезде төлемдерді Kaspi.kz арқылы алғыңыз келетінін көрсетуге болады.

Сондай-ақ, төлемдерді алу үшін өтінімде Kaspi-дегі жеке шотыңызды таңдай аласыз. Бұрын 20 таңбалы шот нөмірлерін (IBAN) қолмен теру керек болатын. Енді шоттар өтінім беру барысында автоматты түрде көрсетіледі.

Зейнетақы үшін Kaspi Gold шоты пайдаланылады. Жәрдемақы алу үшін – Әлеуметтік Шот керек, оны Kaspi.kz қосымшасындағы «Мемлекеттік қызметтер» бөлімінде онлайн режимде тез және оңай ашуға болады. 

Әлеуметтік шотқа тек мемлекеттен берілетін әлеуметтік төлемдер түседі. Бұл ешкім бұғаттай алмайтын, қол сұға алмайтын шот. Kaspi.kz-тегі Әлеуметтік Шоттан Kaspi Gold-қа кез келген уақытта комиссиясыз ақша аудара аласыз.

Kaspi-дегі шотыңызды eGov.kz порталындағы келесі әлеуметтік мемлекеттік қызметтер үшін таңдай аласыз: 

1. Бала тууға және бала күтіміне байланысты жәрдемақы тағайындау;
2. Мүгедек баланы тәрбиелеп отырған анаға немесе әкеге, асырап алушыға, қорғаншыға (қорғаншыға) жәрдемақы тағайындау;
3. Мүгедектігі бойынша мемлекеттік әлеуметтік жәрдемақы тағайындау;
4. Асыраушысынан айырылу жағдайы бойынша мемлекеттік әлеуметтік жәрдемақылар тағайындау;
5. Жерлеуге арналған біржолғы төлемді тағайындау;
6. Көпбалалы отбасына жәрдемақы тағайындау;
7. Мемлекеттік базалық зейнетақы төлемін тағайындау.

Kaspi.kz командасы бұл қызметті Цифрлық даму, инновациялар және аэроғарыш өнеркәсібі министрлігі, «Ұлттық ақпараттық технологиялар» АҚ және Қазақстан Республикасы Еңбек және халықты әлеуметтік қорғау министрлігімен бірге жасады.

Kaspi.kz командасы мемлекеттік органдармен бірлесе отырып, қазақстандықтардың өмірін жақсартатын бірқатар инновациялық қызметтерді қосымшаға біріктіріп үлгерді. Kaspi.kz суперқосымшасының көмегімен қазақстандықтар цифрлық құжаттарына қол жеткізе алады, көлігін қайта тіркеп, әлеуметтік шот ашып, жәрдемақы және басқа да көптеген қызметтерге қол жеткізе алады. Kaspi.kz суперқосымшасын ай сайын 12 миллионға жуық қазақстандық пайдаланады.