Жаңалықтар 12.05.2022 сағат 16:00

Сурдлимпиада: Қазақстан қоржынына екінші алтын медаль түсті

Бұл сында 130 келіде ел намысын қорғаған Хайратхаан Шонку қарсылас шақ келтірмей жеңіс тұғырынан көрінді.
Сурдлимпиада: Қазақстан қоржынына екінші алтын медаль түсті
Бөлісу
Бөлісу
Бөлісу

Бразилияда өтіп жатқан 24-ші жазғы Сурдлимпиада ойындарында грек-рим күресінен жарыстар аяқталды, деп хабарлайды Ulysmedia.kz.

Бұл сында 130 келіде ел намысын қорғаған Хайратхаан Шонку қарсылас шақ келтірмей жеңіс тұғырынан көрінді. Отандасымыз финалдық кездесуде түрік спортшысы Мехмет Юсалды айқын басымдылықпен жеңіп, алтын медаль иегері атанды.

Өз кезегінде  97 келіде Асылжан Тажиев Иран спортшысына есе жіберіп, жарысты күміс жүлдемен қорытындылады. Ал, Нұржан Асан (77 кг), Алдияр Балташевтар (60 кг) үшінші орын үшін болған бәсекеде қарсыластарынан басым түсіп, қос спортшымыз ел қоржынын тағы екі қоламен толықтырды.

Тағы оқыңыз: Еліміз Сурдлимпиада-2022 ойындарында алғашқы алтынды жеңіп алды

Сурдо грек- рим күресінен ұлттық құраманың аға бапкері Ерлан Мұқажан спортшылардың нәтижесіне көңілі толатынын жеткізді.

«Балалар жарады. Қаншама оқу-жаттығу жиындары мен жаттығулардың арқасында осындай нәтиже көрсеттік. Бір алтын, бір күміс, екі қола- бұл біз үшін үлкен жетістік. Алдағы таңда дайындығымызды шыңдай түсіп, Келесі сурдлимпиада ойындарында бұдан да жоғары нәтиже көрсететінімізге сенімдімін», - деді аға бапкер.

Есту мүшесі зақымданған спортшылар арасындағы төрт жылдықтың дүбірлі додасы мамырдың 16 сына дейін жалғасады. Қазіргі таңда Қазақстан құрамасының қоржынында 2 алтын, 4 күміс, 17 қола жүлде бар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар