Жаңалықтар 19.05.2022 сағат 12:00

Еліміз қажет етпей қоқысқа тастайтын теріден түріктер желатин өндірмек

Жоспарланған инвестиция көлемі 27 млн АҚШ доллары.
Еліміз қажет етпей қоқысқа тастайтын теріден түріктер желатин өндірмек
Бөлісу
Бөлісу
Бөлісу

Түрік компаниясы Қазақстанда мал терісін өңдейтін және желатин өндіретін зауыт салмақ, деп хабарлайды ҚазАқпарат Ауыл шаруашылығы министрлігіне сілтеме жасап.

Түркияның Iskefe Holding компаниясы Алматы қаласында компанияның желатин өндіру зауытын салуды инвестицияламақ. Жоспарланған инвестиция көлемі 27 млн АҚШ доллары.

Жоба 2022-2023 жылдар аралығында іске асып, 100-ден астам жаңа жұмыс орны ашылмақ. Кәсіпорын индустриялық аймағында іске қосылады, ал шикізат ретінде ірі қара мал терісі пайдаланылатын болады. Зауыт құрылысы биыл басталып, 2023 жылы пайдалануға беріледі деп болжанып отыр, өндіріс қуаты жылына 7000 тонна желатинді құрайды.

«Елімізде теріні бастапқы өңдеу бойынша 9 кәсіпорын жұмыс істейді. Бірақ, өңдеуші кәсіпорындар ауыл шаруашылығы тауарын өндірушілерге ірі қара малдың өңделмеген терілерін сатып алу үшін бәсекеге қабілетті баға ұсына алмауда. Осыған байланысты ірі ауыл шаруашылығы тауарын өндірушілер тауарды мүмкіндігіне қарай экспорттайды. Ұсақ және жеке қосалқы шаруашылықтар жануарлардың терісін қоқысқа тастайды, ал бұл өз кезегінде аса қауіпті ауруларының таралу қаупін тудырады. 7000 тонна желатинді өңдеу үшін шамамен 38 мың тоннаға жуық шикізат (тері) қажет», - делінген министрлік хабарламасында.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар