Жаңалықтар 23.05.2022 сағат 09:40

Павлодарда кішкентай қызды құтқарып қалған оқушы «Бала жүрегі» медалімен марапатталды

Павлодарлық 10 жасар Саян Рахманғұлов 2021 жылдың 30 сәуірінде ауылда жоғалып кеткен Аруана атты қызды тауып, құтқарып қалған.
Павлодарда кішкентай қызды құтқарып қалған оқушы «Бала жүрегі» медалімен марапатталды
Бөлісу
Бөлісу
Бөлісу

Павлодар облысы Башмачное ауылынан шыққан кішкентай қаһарман «Қайырымдылық керуені» республикалық байқауы «Бала жүрегі» номинациясында жеңімпаз болып танылды, деп хабарлайды Azattyq Rýhy.  

Павлодарлық 10 жасар Саян Рахманғұлов 2021 жылдың 30 сәуірінде ауылда жоғалып кеткен Аруана атты қызды тауып, құтқарып қалған. Баланы іздеуге шыққандардың ішінде Рахманғұловтар отбасының Асхат және оның ұлы Саян да болған еді.

Қоршаудың жанындағы су станциясында үлкен адамның тізесінен асатын кішкентай арық бар болатын. Балалар дәл сол жерден еш тіршілік белгісі жоқ көк күртешелі кішкентай қыз тауып алады.

Саян ойланбастан суға секіріп, баланы аяғынан ұстап, жағаға сүйреп шығарды. Содан кейін айқайлап, қолын бұлғап, бірнеше жүз метр қашықтықта жүрген әкесін шақырды. Бала қызға жасанды тыныс алуды және жанама жүрек массажын жасай бастады, осылайша қыз тірі қалады.

«Төртінші жыл қатарынан өткен байқау батылдығымен және қамқорлығымен өзгелерге қол ұшын созып, қуантқан мейірбан жандарды анықтап келеді. Дәстүрлі байқау адамгершілікті, мейірімділікті ұлықтайды. Жыл сайын өтіп жатқан бұл байқау еліміздің түкпір-түкпірінен 1000-нан астам қайырымды әрі батыл жандарды анықтайды. Былтыр байқауға 1033 өтінім келіп түсті», - деді байқау жеңімпаздарын марапаттау барысында Нұрсұлтан Назарбаев қорының атқарушы директорының орынбасары Әлкей Марғұланұлы.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар