$ 448.15  483.46  4.86

Өзбекстанда полиция қызметкерлері туристерге қарсы электрошокер қолданған

Жергілікті басылымдардың сөзінше, туристер арасында Қазақстан азаматтары болған.
Фото: ашық дереккөз
Фото: ашық дереккөз

Самарқанда шетел туристеріне қарсы заңсыз әрекеттерге барған құқық қорғау қызметкерлері жауапкершілікке тартылады. Бұл туралы Өзбекстан ІІМ баспасөз хатшысы Шохрух Гиясов мәлімдеді. 

Оның сөзінше, 21 мамырға қараған түні Самарқанд қаласында Жол қозғалысы қызметінің өкілдері көрші елден келген туристердің мекен-жайын анықтау үшін оларға қарсы электрошокер қолданған.

Алайда туристердің нақты қай елден келгені айтылмады. Жергілікті басылымдардың сөзінше, туристер арасында Қазақстан азаматтары болған. Олардың жанында барлық құжаттары бар екеніне қарамастан, құқық қорғау қызметкерлері туристерді ұстап, тергеуге алған.

ІІМ прокуратурамен бірлесіп, бұл іс бойынша тергеуді бастағанын хабарлады. Тергеу нәтижесінен кейін бұл іске жауапты барлық қызметкерлер мен олардың басшылары қызметінен алынатыны айтылды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары