Талдықорған тұрғындары жарылысқа ұқсас қатты дыбыстар естігендерін айтып үрейленуде

Алматы облысының төтенше жағдайлар департаменті Талдықорған қаласы мен көршілес ауылдардың тұрғындары естіген күрт дыбысты түсіндірді, деп хабарлайды Stan.kz ақпарат агенттігі.

Әлеуметтік желіде Талдықорған қаласының маңында қатты жарылыстың дауысы естіліп жатқаны туралы ақпарат тарады. Кейбір қолданушылар Талдықорған маңында ұшақ апатқа ұшырады деген болжам жасады.

Облыстық төтенше жағдайлар департаменті алаңдауға негіз жоқ деп сендірді. Дыбыс аумақтың үстінен ұшып бара жатқан әскери ұшақтан шыққан. Сондай-ақ департамент "112" нөміріне көмек көрсету туралы бірде-бір хабарлама түспегенін түсіндірді.

"Алдын ала әскери ұшақ шеңбер жасап, қозғалтқыштың оттық жағын қосады, яғни күрт үдеу болды және нәтижесінде қатты соққы болды. Дыбыстың жоғары жылдамдығы сағатына 1200 шақырымнан асты", - деп түсіндірді төтенше жағдайлар департаменті басшысы Павел Сачков.

Талдықорған қаласы әкімдігінің баспасөз қызметі де жарылыс туралы ақпаратты жоққа шығарды. Қала әкімшілігінің мәліметінше, төтенше жағдайлар қызметіне қоңыраулар түскен жоқ. Тұрғындардан сабыр сақтауды сұрады.