$ 443.85 € 474.3 ₽ 4.8
Алматы облысы Қаскелең қаласында оннан аса көлік жол ережесін өрескел бұзған. Даулы видеодан кейін көліктер айып тұрағына қойылды, деп хабарлайды Stan.kz ақпарат агенттігі.
Желіде тараған видеодан 10-нан аса көліктен тұратын кортеждің жол ережесін бұзғанын, ал терезесінен бірнеше адамның шығып алғанын көруге болады.
Полиция ұсынған ақпаратқа сәйкес, 25 мамырда мектеп түлектері Lexus LX-570, Toyota Camry, Lexus ES 300, Kia Rio Luxe, Toyota Land Cruiser 200, BMW 530, Lexus GS 300, Toyota Land Cruiser Prado көліктерінің қатысуымен автошеру ұйымдастырған.
"Даулы кортеждегі көлік жүргізушілері анықталды. Оларға қатысты жалпы сомасы 520 710 теңге болатын 39 әкімшілік хаттама толтырылды", - делінген полиция ұсынған хабарламада. Автокөліктер тәркіленіп, айып тұрағына қойылған.
