Жаңалықтар 31.05.2022 сағат 12:40

Бұрынғы президенттің үйі мемлекет меншігіне өтті

Бұрынғы президент пен оның отбасы жеке мүлігінің мемлекетке өткенінен хабарсыз.
Бұрынғы президенттің үйі мемлекет меншігіне өтті
Бөлісу
Бөлісу
Бөлісу

Қырғызстанның Мемлекеттік мүлікті басқару қоры экс-президент Алмазбек Атамбаевтың Кой-Таштағы үйін мемлекетке өткізу процесін аяқтағанын жеткізді. Бұл жөнінде аталған мекеменің төраға орынбасары Медер Машиев хабарлады, деп жазады Орталық Азияның жаңалықтар қызметі.

Аталған мекеме қызметкерлері 30 мамырда Атамбаевтың Кой-Таштағы үйіне барған. Олармен бірге экс-президенттің екі адвокаты Сергей Слесарев пен Замир Жоошев та барған. Әлеуметтік желіде тараған видеоға қарағанда адвокаттар мен мемлекеттік қызметкерлердің арасында кикілжің туындағанын көруге болады.

Атамбаевтың өкілдері заттарын жинауға үш күн мұрсат сұраған. Олар Атамбаевтың отбасы үйдің мемлекетке өткенінен хабарсыз екенін айтқан.

"Бұрынғы президент пен оның отбасы жеке мүлігінің мемлекетке өткенінен хабарсыз. Оларға ескерту беруі керек еді", - дейді адвокат Слесарев.

2020 жылдың маусым айында Бішкектің Бірінші май аудандық соты Алмазбек Атамбаевты қылмыс әлемінің белсендісі Азиз Батукаевты заңсыз босатты деген айыппен 11 жыл екі айға соттаған.

2020 жылдың қазан айындағы төңкерістен кейін экс-президенттің қорғаушылары сот процесі кезінде заң бұзушылықтар орын алды деп, Жоғарғы соттан барлық үкімнің күшін жоюға қол жеткізген.

Алайда 2021 жылдың күзінде Бас прокуратура 2020 жылғы Жоғарғы соттың шешімін қайтарып алу жөнінде шағымданған. Жоғарғы сот істі қайта қарау жөнінде шешім шығарып, кейін экс-президентке қатысты бірінші инстанция үкімін күшінде қалдырды.

ulysmedia.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар