Алматы облысында бүлдіршінге алабай шабуыл жасаған

Шабуыл Талғар ауданындағы Тұздыбастау ауылында болды. Алабай баланың бетін, арқасы мен жамбасын тістеп алған.  Қызды көршінің ит шабуылынан әрең құтқарып қалды, деп хабарлайды Talgarnews басылымы.

Бала аулада ойнап жүрген. Алабайдың иесі үй жануарын байлаусыз қалдырып кеткен.

Бірқатар жерін ит тістеген қыз шок алған. Туыстарының айтуынша, алабай баланың бетін, арқасын және жамбасын тістеп алған. Бетіндегі жараларды тігу керек болды. Денесінде де жаралар бар.

Иттің иесі зардап шеккен балаға емделуі үшін 30 000 теңге төлеген. Бірақ ата-ана агрессивті ит иесінің немқұрайлылығы үшін жазаны күшейтуді және пластикалық операция үшін ақша талап етті.