Жаңалықтар 11.06.2022 сағат 09:18

Ақтау әкіміне 153 мың теңге айыппұл салынды

Басылым мәліметінше, шенеуніктер кәсіпкерге жер телімін жалға беру мерзімін ұзартудан заңсыз бас тартқан.
Ақтау әкіміне 153 мың теңге айыппұл салынды
Бөлісу
Бөлісу
Бөлісу

Ақтаулық кәсіпкер қала әкімі Нұрдәулет Қилыбайды сотта жеңді. Бұл туралы Маңғыстау облыстық соты мәлімдеді, - деп хабарлайды Lada.kz. 

Басылым мәліметінше, шенеуніктер кәсіпкерге жер телімін жалға беру мерзімін ұзартудан заңсыз бас тартқан. Сот шешімімен Ақтау қаласының әкіміне 153 000 теңге айыппұл салынды.

Барлығы кәсіпкердің Ақтау қаласының әкімі мен Ақтау қалалық жер қатынастары, сәулет және қала құрылысы бөлімін сотқа беруінен басталды. Сот шенеуніктердің заңсыз әрекет жасағанын анықтап, оларға жер телімін жалға беру мерзімін ұзарту мәселесі бойынша бір ай мерзімде талапкердің пайдасына тиімді әкімшілік акт қабылдаудлы тапсырды.

Алайда,  осы уақытқа дейін сот шешімі орындалмаған, жеткілікті уақыт өтсе де  қала әкімі қолайлы әкімшілік акті қабылдауға ешқандай шара қолданбаған. 

Әкімшілік кодекстің талаптарына сәйкес сот шешімдерін орындау соттың бақылауында және оларды орындаудан жалтару 50 АЕК мөлшерінде ақшалай өндіріп алуға әкеп соғады. 

Нәтижесінде, сот Ақтау қаласының  әкіміне қатысты 50 АЕК мөлшерінде, яғни 153 150 теңге ақшалай өндіріп алу шарасын қабылдады.

Сондай-ақ, аталған сот шешімін орындауға қосымша 10 жұмыс күн уақыт берілген.

Әкім ақшалай өндіріп алуды 5 күн ішінде төлеуі және сот шешімін 10 күн ішінде орындауы керек, әйтпесе ақшалай өндіріп алу 10 АЕК-ке ұлғайтылған мөлшерде қайта қолданылатын болады. Сондай-ақ, заңнамалық актілерде адамды сот актісін орындамағаны үшін жауапкершілікке тарту көзделген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар