$ 442.85  480.32  4.94

Қостанайда тұрақта тұрған бірнеше көлік өртеніп кетті

Қазіргі таңда аталған іске қатысты қылмыстық іс қозғалды.

Қостанайда тұрақта тұрған көліктер отқа оранды. Қостанай облыстық полиция департаментінің баспасөз қызметі мәліметінше, өрт салдарынан төрт көлікке зақым келген. Қазіргі таңда аталған іске қатысты қылмыстық іс қозғалды. 

"Қостанай қаласы "Береке" ауданында көліктердің өртенуіне қатысты полиция Қылмыстық Кодекстің 202-бабы 2-бөлігі, яғни "бөтен мүлікті қасақана жою немесе бүлдіру" бойынша сотқа дейінгі тергеуді бастады", – делінген ведомство хабарламасында.

10 маусым күні Қостанайда "Береке" ауданында 52 және 53 үйлер арасындағы көлік тұрағынан өрт шықты. Оқиға түнгі сағат 03:44-те болған. Өрт сөндірушілер оқиға орнына 03:54-те келіп, өртке оранған Hyundai Elantra маркалы автокөліктегі жалынды сөндірген. От жақын маңдағы ГАЗ-21 машинасына тез тарады.

Өрт төрт шаршы метрге жайылып, төрт көлік зақымданды.

Қазіргі таңда жедел-тергеу шаралары жүргізіліп жатыр.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары