Алматыдағы митингке шыққандар жауапкершілікке тартылды

Алматыда рұқсат етілмеген акцияда қайтыс болған адамға қатысты қылмыстық іс қозғалды. Нәтижесінде ер адамның өліміне кінәлі тұрғын ұстау изоляторына қамалды, деп хабарлайды "Адырна" ұлттық порталы.

Алматы қалалық полиция департаментінің хабарлауынша, 11 маусымда бір топ азамат Гагарин көшесіндегі жолды жауып тастаған. Рұқсат етілмеген акцияға қатысушылардың бірі, 1980 жылы туған М.есімді азамат жанжал кезінде қозғалысын бөгеп қойған көліктердің бірінің жүргізушісі 1974 жылы туған К.есімді азаматқа дене жарақатын салған. Нәтижесінде жәбірленуші қайтыс болған.

"М.есімді азаматтың әрекеті ҚР ҚК-нің 106 бабы 3 бөлігімен сараланады. Ол уақытша ұстау изоляторына қамалды. Сонымен қатар, рұқсат етілмеген акцияны ұйымдастырушылардың тағы төртеуі әкімшілік жауапкершілікке тартылды. Сотқа дейінгі тергеу басталды", — делінген департамент хабарламасында.