Қонаев қаласындағы казинолар жабылуы мүмкін

Ұлттық экономика министрі Әлібек Қуантыров Қонаев қаласындағы казиноларды жабуға қатысты мәлімдеме жасады деп хабарлады turkistan.kz.

«Бұл мәселе Ұлттық экономика министрлігі деңгейінде әлі талқыланбады. Менің ойымша, Қонаев қаласының ерекше мәртебесін ескере отырып, осы тақырып бойынша қосымша талқылау болады. Яғни, бұл бағыттағы қадамдар егжей-тегжейлі пысықталады», – деді Ә.Қуантыров өз сөзінде.

Осы кезге дейін экономика министрі жаңадан құрылған облыстардағы жол мәселелері туралы айтқан еді.

Айтса кетсек, өткен аптада Берік Әбдіғалиұлы Ұлытау облысының әкімі лауазымына тағайындалған болатын.  Ал Марат Сұлтанғазиев Алматы облысына, Нұрлан Ұранхаев Абай облысына әкім боп келді. Сондай-ақ, Жетісу облысының әкімі қызметіне Бейбіт Исабаев сайланды.