Жаңалықтар 27.06.2022 сағат 18:00

Шерхан Мұртазаның інісі әкім болды

Еңбек жолын 2010 жылы Қазақстан Республикасы құрылыс және тұрғын үй-комммуналдық шаруашылық істері агенттігінде есепші болып бастаған екен.
Шерхан Мұртазаның інісі әкім болды
Бөлісу
Бөлісу
Бөлісу

Президент әкімшілігінің және аудандық мәслиxатының келісімімен, Жамбыл облысы әкімінің өкімімен Жуалы ауданының әкімі болып Мұртаза Жалғас Алижанұлы тағайындалды, деп хабарлайды Ulysmedia.kz.

Аудан активіне жаңа әкімді аймақ басшысы Нұржан Нұржігітов таныстырды.

Мұртаза Жалғас Әлижанұлы 1988 жылы Жамбыл облысы Жуалы ауданында туған, білімі жоғары.

2009 жылы Л.Н. Гумилев атындағы Еуразия ұлттық университетін «Мемлекеттік басқару» мамандығы бойынша бітірген.

Еңбек жолын 2010 жылы Қазақстан Республикасы құрылыс және тұрғын үй-комммуналдық шаруашылық істері агенттігінде есепші болып бастаған.

Әр жылдары ҚР Құрылыс және тұрғын үй-комммуналдық шаруашылық істері агенттігінде сарапшы, бас сарапшы, Жамбыл облысы әкімі аппаратының ұйымдастыру-инспекторлық бөліміндегі облыс әкімінің бас инспекторы, Жамбыл ауданы әкімінің орынбасары қызметтерін атқарған.

2020 жылғы маусым айынан бүгінгі күнге дейін Жамбыл облысы әкімі аппаратының өңірлік бақылау және ұйымдастыру-инспекторлық жұмысы бөлімінің басшысы лауазымында қызмет атқарып келді.

Айта кетсек, Жалғас Мұртаза – Шерхан Мұртазаның туған інісі Әлижанның баласы.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар